Cerita sekalenda, eme cerita tentang sada anak perana si mejingkat kel erdahin kujuma. Gelarna eme Pantas Sembiring. Adi hasil juma nari, ula padah sungkun, melala kel alokenna uli latih juma nari. Emaka, kerina anak kuta meteh kerna kegeluhen anak perana sisada enda.

Tapi, perban jingkatna kujuma, sung sung kai pe lanai bo diatena, gawah gawah nina kalak, labo masuk diakalna. Emaka terkenal kang Pantas enda anak perana si kurang mekade kade. Adi lit Gontong Royong ntah pe kerja kerja, pangen akapna nggalar saja , gelah ola dahi. Riahen akapna kujuma, bagem nina erkata bana.

Lit ka sada ciri ciri Pantas enda, adi erdahin ia juma, riahen akapna erdahin sisada, la akapna meriah adi sampati kalak dahinna, sebab nina, :

BELUHEN AKU ERBANCA, JILEN KUBAN ‼‼‼

Emaka basa sada wari, perban melala kel alokenna ulih encari juma nari, tukurna me sada motor.  
Gelah banci kubaba barangku e kutiga, lanai padah pake motor kalak, (bagem isi pusuhna).

Emaka nggo sikap kel akapna, nggo ka mbaru motor, atena.

Kenca si e, rukur ia, kai nge ndia kuban tulisen bas motorku e atena, emaka kenca ndekah ia ertangkel, emaka datna me sada ide, banna me tulisen bas kaca depan motorna,

MAMA BIRINGNA LA MAN SAMPATEN ‼‼‼

Emaka, heran me kalak sinatap natap, metuda nge ndia?, ntah motu? Bage ate kalak. Tapi perban jingkatna erdahin, janah sen na pe melala, merga lalap iakap kalak cakapna. Emaka, labo lit kalak si pang mandangi ia, perbahan, senna melala...

Pas bas sada wari, Ersura sura me Pantas enda naik Pesawat.. Reh nina kade kade,:

ula kam naik pesawat sisada Pantas, sebab langa bo pernah kam naik pesawat, labo kari angkandu, (bagem pedah keluarga kuta nari....)

 Tapi perban, biasana pe ia nuan nuan sisada janah kena rusur ergana, bagepe mejile ka buahna, emaka nina Pantas, :

Iahhhhhhh, KUJUMA PE AKU SISADA NGE, LALAN KA NGE SENKU ASA SEN KENA, BELUHEN KANG AKU NUAN NUAN, GUNDARI AJARI KENA KA AKU, AKU LA NGGIT..... SISADA NGE AKU.

Emaka, kenca dung ia nukur tiket pesawat,mis ia nangkih ku pesawat e, emaka buatna inganna kundul arah lebe kel..... gelah aku lalap si nomor sadana atena...

Langa 5 menit pe kundul Pantas ndai, reh me sekalak perbapan, nina perbapan e :

Perbapan : Uga maka kam jena kundul, ena ingan kundulku kap ena,...

Pantas : kam ise?

Perbapan : aku penumpang pesawat, seri ras kam....

Pantas : oooo penumpang, adi penumpang seri nge kita, ise silebenna seh, e banci pilihna bangkuna, ula ka kam rate ate,  .... enggo leben kupilih bangku enda.....

Perbapan : e labo bagena, lit kap nomor bangkuna bas tiket pesawat enda,...

Pantas : entah akapndu nge banci bualindu aku,.... sinik kam... tow lawesken....

Mate kel akal perbapan ndai, emaka lebuhna pramugari,

Pramugari :  ooo bang, la kap ingan kundulndu ena bg....

Pantas :kam ise ka?

Pramugari : aku pramugari bang, si ngelayani penumpang pesawat...

Pantas : ooooo pelayan ‼‼‼‼ adi pelayan nge kam, ula kam ngeranai, kam labo angkandu e.... to, lawes kam...

Pramugari pe enggo putus asa, emaka lebuhna pilot ..

Pilot : lit kap bas tiket ena nomor ingan kundulndu pa, nen min...

Pantas : kam is ka?

Pilot : aku pilot pa...

Pantas : kai ka pilot e?

Pilot : pilot e supir pesawat e pa...

Pantas : OOOOO supir ‼! Kam sewa lah darami to... aku labo man urusendu...

Perban megang kel sora pantas e, reh me sekalak anak perana merga Sitepu, erkusik man pantas....

Pantas : OOOO bage nge, ue yah..... e kupudi saja aku kundul....

Emaka mis pindah pantas ku bangku sipudi si sesuai ras nomor tiketna...

Mamang kel ate pilot ras pramugari, emaka sungkunna me anak perana merga sitepu e,

Pilot : kai nge sikusik kendu man pantas ah, maka mis kel ia nggit pindah?

Sitepu : kukataken ndai, adi bangku pertama e kari ngadi bas singapur, adi bangku si pudi e ngadi bas Jakarta... emaka beda ningku... (hahahahah tawa kel ia...)

Emaka tawa kel Pilot bagepe Pramugari pesawat....

BUJUR RAS MEJUAH JUAH......
SALAM TEDEH ARAH PERLAJANGEN NARI,
KOTA KAOHSIUNG ,TAIWAN