Tergelar me sekalak Beru tarigan si beluh kel ercakap longgar. Adi cakap longgar ningku, me enggo angkandu? Beluh kel ngerayu janah mbuat ukur dilaki, em kelebihen nande Tigan sisada enda.

Bas sada paksa, lawes me nande tigan enda gawah gawah ku carefour (pasar modern), emaka idahna sada baju kemeja dilaki, si seh kel jilena, emaka ersura ia guna nukur baju e, janah i berekenna man rondongna kerna hadiah ulang tahun rondongna bas minggu sireh.

Mejile tuhu kemeja e, emaka rikut pe ergana meherga. Ergana eme Rp.350.000, Emaka rukur nande tigan e, “labo dalih meherga yah, gelah meriah kel kari ukur mama biringku “ bage me isi pusuh nande tigan enda.

Emaka itukur nande tigan enda me, baju kemeja ndai. Aminna gia, erpala pala kel isi dompetna heheheheheh 

Pas bas ulang tahun rondongna, emkap si mama biring, bereken nande tigan enda me baju situkurna ndai, mejile kel banna bungkus na, emaka sentudu kel isi ras bungkusna, pokokna beluh kel nande tigan enda nake.... heheheheh

Emaka, pagina mis kel ipake mama biring , baju situkur nande tigan. Ngena kel atena, entabeh ka kel makesa atena. Emaka meriah kel ukur si mama biring enda, janah pe semakin jatuh cinta ia man nande tigan ndai nake :D HEHEHEHEH

Emaka pas bas sada paksa, tersungkun me mama biring enda man nande tigan kerna baju kemeja hadiah ulang tahun sibereken si nande tigan :

Mama biring : OOO dek, ija nge tukurndu baju kemeje si sanga berekendu bangku hadiah ulang tahun, mejile kel kuakap, janah ngena kela ateku, entabeh kel makesa,....

Nande tigan : pajak singa nge kutukur bang,....  (erbual, padahal tukurna bas carefour)

Mama biring : ioh, beluh kel kam milih baju dek, sekai nge ndia ergana tukurndu kemeja ah ndai dek? Pasti meherga me dek?

Nande tigan : adi aku milih baju, marenda nari pe beluh nge bang. Sebab keleng kel ateku kam, emaka kupilih simejilena..... labo meherga kutukur bang, Rp.50.000 nge.... (erbual, padahal tukurna Rp.350.000)

Mama biring : andiko, malem kel ateku bandu dek. Beluh kel kam milih baju, janah beluh ka kel kam nawar ergana, .... bujur melala ya nande tiganku.... (senyum mama biring)

 Nande tigan : ue mama biring, gelah nggo tehdu bang, enam buktina keleng kel ateku kam... (senyum)

Mama biring : ue dek, aku pe kelng kel ateku kam... (senyum manis)

5 wari kemudian

Mama biring : Oo dek, idah bapa sange kupake baju sisanga tukurndu, ngena kel atena, bagekape bengkila ras abang, kerina kalak e mujiken kerna baju si sanga tukurndu. Ngena kel ate kalak e.... emaka kuturiken kerna ergana , labo meherga, emaka nitip bapa, bengkila rasa abang, gelah tukurndu min 3 nari kemeja si bagi kemeja si sange dek.... gelah seragam kami empatna... bagem sura sura bapa dek,.... melabo kam keberaten? Enda senna dek.... (bereken simama biring senna Rp. 150.000.)

Nande tigan : ???????? (andiko sengget kel ia, lanai kel beluh ia ngerana, sebab kemeja situkrna na ndai ergana Rp.350.000 )

Endam Ia nande tigan, si erbual kerna erga baju.  Lanai tehna ja mbuat sen, sebab adi tukur telu, ergana sekitar Rp. 1000.000 HAHAHAAH

HAHAHAHA Emaka ula nggit sa erbual kena beru Tarigan ena nake.... hahahahahah
NANAMI ‼‼‼‼!   

SEMOGA KAM TERHIBUR ....