Tergelar me sekalak singuda nguda si seh kel jilena. Mejile tapi merambit, bage me pandangan kalak nandangi ia. Adi kukataken merambit, me enggom tehndu beru kai ia? Ue, pas kel. Ia beru ginting ... hehehehe

Gelarna e me Rehulina br ginting,  emaka nande ginting enda labo kalak pang ngagat ngagatisa, merambit kel nake.. ehehee

Rehulina enda, kuliah i kota Medan, emaka setiap wari jumat ia mulih kukuta guna nampati nande bapa erdahin kujuma. Emaka wari minggu karaben, mulih ka ia ku medan sebab hari senen kuliah ia.

Emaka  pas sada paksa, Rehulina mulih atena ku medan, perban hari senen kuliah ia. Emaka nimai Sutra Ia ibas terminal kabanjahe. Perban wari pe enggo karaben, emaka melihe kel Rehulina, emaka tukurna me goreng pisang , gelah kupan kari bas terminal ate Rehulina.

Emaka kenca seh bas terminal, kundul Rehulina bas bangku terminal nimai Sutra. Emaka ipan na me goreng pisang si tukurna ndai.

Sanga ia nimai sutra, i sampingna e kundul sekalak anak perana , lumayan gantenglah. Adi la aku salah merga sembiring ehehehehe

Perban enggo melihe kel Rehulina, emaka ipanna goreng si tukurna ndai, ....

Tapi mamang kel atena, setiap ipanna gorengna ndai, emaka anak perana si isampingna e pe buatna ka gorengna ndai .. eh, uga ka maka buat anak perana e goreng ku e, ... la ka ia ngata kai pe, buatina saja.... uga kin e? ( bagem isi pusuh reulina)

Tapi labo dalih yah, melihe nge ia, ate reh ulina. Tapi setiap ipan Rehulina goreng ndai, mis ka ikut anak perana endai man sa.

Uga kin e??? Lanai kap sopan e, ganteng gia ia, adi la sopan, labo pas e.... cuba sekale buatna ka sada nari, kujerleng nari nge, lalap kari larotak.... (bagem nina rehulina bas pusuhna)

Tapi la errngadi ngadi, buat anak perana ndai denga ka goreng ndai, emaka emosi kel Rehulina, i jerlengna anak perana e, tapi anak perana e sinik saja, senyum saja ia....

Emaka lanai bo tole merawa sekalenda Rehulina, ugalah maka lit jelma bagenda atena, la kel teh na mela atena....

Emaka sergangna anak perana e....

Rehulina : langa besur bang? Lalap kuidah buatindu goreng e, adi langa kam besur gelah kutukur bandu sada ember nari, tapi ngata kam, ola buatindu saja, .... sopan kam sitik ya. Akapndu mbiar aku ban kam dilaki e? (jerleng Rehulina)

Anak perana : (la aloina Rehulina, senyum saja ia)

Emaka, ersora hp Rehulina, HP e itamana bas tasna. Emaka ibukana tasna mbuat HP na atena,
andiko sengget kel ia, sebab i idahna goreng si tukurna ndai, kepeken i susunna bas tasna, kepeken goreng sipan na ndai, e me goreng anak perana si kundul si sampingna..... megara kel ayona janak mela kel akapna....

Emaka, mis ia lawes, tadingkenna anak perana e, perban la tahan ia ban melana iakapna.... HAHAHAH Emaka ula merambisa nande ginting ena ya, hahahaha

MEJUAH JUAH TANEH KARO

SEMOGA KAM TERHIBUR,...