Tergelar me sekalak perbapan si nggit kel erbual. Kerina anak kuta pernah bualina, jadi berita kerna Perbapan enda , nggo seh ku kuta sideban. Emaka, lebuh kalak ia alu kata Pa bual.
Jadi, pas sada paksa, Pa bual enda merhat kel man mie goreng, tapi lalit senna, emaka rukur ia, uga nge ndia carana gelah banci man mie goreng la nggalar atena.
Kenca ndekah ia rukur, datna me sada ide, emaka lawes ia kukede...

Pa bual : enta sada mie goreng perkede, melala ban cinana ya, teh manis ban tehna,....

Perkede : eh, lo kin Pa bual ah???? Lalah tokoina ka atena aku e??? E nta ku sergang lebe, gelah ula kari ia pang buali aku...... (nina perkede bas ukurna)

Perkede : O... Pa bual, aku ula sempat tokohim ya, lo kari rettap kuban kumis kucingmu ena,.... nggo tehko e.....
(bage me nina perkede)

Pa bual : e lang bibi, la kel aku pang mbuali kam,..... kam ka simerambitna tengah pajak enda, melabo akapndu aku pang....

Perkede : em, gelah nggo tehko, .... ula sempat aku bualim....

Pa bual : aman bi, ..... sekelenda la aku pang buali kam....

Perkede : timai dage, nta ku goreng lebe....

Pa bual : oeee.... bi.... entabeh ban ya.... :D :D (tawa Pa bual)   

Kenca 10 menit nggo tasak mie, nce taruhken bibi ndai man Pa bual

Perkede : enda mie, ras teh manis....

Pa bual : ue bi....

Kenca mulihken perkede ku inganna, erlebuh Pa bual

Pa bual: IOOOOHHHHHH kai e bi?????

Perkede : kai Pa bual,????

Pa bual : (erkusik man perkede) , uga maka lit laneng bas mie e, enda mie goreng rasa laneng bi?????? E kukataken naring kari man kerina anak kuta, kam la bersih nggoreng mie, laneng ka pe gorengndu bas....

Perkede : ioh, la kapndai kuidah laneng ena, e ula kata katakendu man anak kuta ya, lanai kari lako mie ku e... sendah lapadah kam galar yah,....

Pa bual: iahhh, aku mbeerat kel kuakap bage,egia lo dalih yah, perban mekuah ateku kam....

Perkede : eee bujur melala gi, inget janjidu ya, ula kata kataken....

Pa bual : e ue bi yah.... aman e....(tawa Pa bual bas pusuhna, sekelnda kena tokoh denga ka perkede nina)

Sada paksa, mekelek kel pinakit Pa bual, janah lanai bo tertambari rikut umurna pe nggo cawir metua, tapi asa metua pe, lalap denga nge Pa bual enda erbual....
Perban, nggo iteh pabual la tertambari pinakitna, emaka rukur ia,...  kerina kel kalak nggo kubuali , lanai bo lit sirate keleng bangku atena,..
Emaka lawes ia ku kede kopi .

Pa bual : aminna gia, sada pekena lanai bo tek bangku, labo ateku morah...... saja ngenca, pudi metuaku e, lit sada warisenku siterakhir.... enda kel ngenca sikerajangenku simehergana, emaka lanai bo aku ngasup erbual....

Megi ranan pabual e, mamang ate anakkuta, kai nge ndia warisen Pa bual e atena.....

Pa bual : ise pagi, engkelengi aku pudi metuaku e, man ia pagi warisenku siterakhir e,(nina pabual)

Perkede : lo man tekken , ena perbual; ‼‼‼‼‼

Pa bual : umurku pe lanai bo ndekah, man kai nari aku erbual.....

Mekuah ate anak kuta, janah merhat ka anak kuta ndatken warisen siterakhir Pa bual e....
Emaka lit teluk kalak si ersedia engkelengi Pa bual seh asa mate. Emaka i rawatna kel Pa bual, entabeh kel akap Pa bual pudi pudi kegeluhenna e.....

Pas sada paksa , perban pinakit Pa bual enggo mekelek, cidahken Pa bual me, warisenna siterakir e, emkap sada kotak si ibaluti alu uis megara....
Nina pabual, kenca aku mate, erbagi telu kena, sebab kena telu kalak si ngerawat aku, nina pabual.....

Emaka mate me pabual, erlomba me sitelu kalak ndai buka kotak warisen pabual .....
Kenca ibuka : isi kotak ndai e me surat si isini :

O KALAK MOTU, NGGO KA PE BUALI RUSUR, TETAP DENGAN KA NGE BANCI BUALI.... NANAMI ‼‼‼‼!

HUMOR KARO