Bagi cerita sisebelumna, Pa Bual eme sekalak perbapan si nggit kel erbual, kerina anak kuta pernah bualina, emaka i gelari me ia Pa Bual. Gundari umur Pa Bual nggo seh 65Tahun, janah nggo hampir kerina anak kuta lanai bo tek man bana.

Emaka nggo agak sulit ia mbuali kalak, sebab lanai bo kalak tek man bana. Tapi ibarat tambar, adi bas sada wari e lalit jelma tokohina, la akapna entabeh tunduh. Emaka nokohi lalap atena....

Pas bas wari minggu sekalenda, sengget kerina anak kuta, sebab gereja Pa Bual. Emaka nungkun nungkun kerina ukur anak kuta. Perban penasaren kel bapa Pantas, emaka i sungkunna Pa Bual ....

Bapa pantas : o Pa Bual, meriah kel ukurku ngidah kam gereja sekalenda, nggo kuakap lit perubahan si mehuli bas pusuhndu...

Pa Bual : payo ..... aku dahkam lanai bo nguda, jadi nggo sepantasna aku ertobat... emaka lanai bo ateku erbual.... gelah masuk surga pagi aku... (bagem nina Pa Bual)

Bapa pantas : eee enggo pas kel bandu e Pa Bual..... e enggo pasti kam masuk surga adi nggo bertobat....
Pa Bual : enam daramen ...

(emaka enggo tek kel kerina anak kuta bahwa Pa Bual enda enggo bertobat)

Emaka nggo meriah kel akap Pa Bual, sebab enggo tek mulihi anak kuta man bana. Emaka pas  bas sada paksa, lawes me Pa Bual ku kede minem.
 Tapi,ibaba Pa Bual kacang mete, janah i bagi bagikenna man kerina kalak si sanga minem i kede.
Gambar kacang Mete
 Pa Bual : enda nake, pan kena, lit kacang mete, kutukur ndai tiga....

Anak kuta : ihhhh, nggo kepe berubah kel Pa Bual ndai nake, ... la pernah kuidah Pa Bual enda mbereken pangan man banta, .... gundari berena ka kita kacang mete... (bageme pengakap anak kuta si minem bas kede e)

Perkede : ula kena mis tek sa man Pa Bual ena, .... perbual kel ena... aku marenda pe tokohina...

Pa Bual : iah.... bereken ka pe kacang , katakendu aku perbual bibi... aku enggo bertobat bibi, aku gereja ndai.... kam nge la gereja ndai... kam nge siperbual e.... HAHAHAH (tawa Pa Bual)

Anak kuta : entabeh kap kacangndu endai Pa Bual, gurih kel...
(emaka erlumba anak kuta engkeriken kacang Pa Bual)

Bapa pantas : em adi nggo kugereja me Pa Bual, nggo berubah kel kam. Mehuli kel kam gundari.... egia tersingetna, kai kin merek kacang si tukurndu e Pa Bual... entabeh kel kuakap....

Pa Bual : Ooooo kacang ena, merekna SILVERQUEEN
gambar silverqueen
 Bapa pantas : SILVERQUEEN? La kin coklat, SILVERQUEEN E Pa Bual?????

Pa Bual : ue coklat, sajana dahndu adi coklatna ku incop saja..... sebab la terkarat aku kacangna... emaka dung ku incop... ku utahken ka Mulihi kacangna.... enam kacang si kuutahken ndai.... sebab lanai terkarat aku.... rugi ka kuakap adi ambekken.... heheheheh (TAWA PABUAL)

Anak kuta : kai ??????? Pa Bual palang palangennnnnnnn
MUTAH KERINA ANAK KUTA SI BAS KEDE E....

Perkede : ningku gia ndai,... me ula tek ki Pa Bual...... NANAMI ‼‼‼!

MEJUAH JUAH
SALAM TEDEH KUTA KEMULIHEN