Cerita sekelenda, eme cerita si Nande karo pecandu headset. Sentabi penulis, ntah enggo gia kari pernah begindu cerita enda, tapi adi cerita lucu ras humor karo, labo salah adi ulihi ceritaken kami. Langsung saja, enda ceritana,...

Terberita kel me sekalak singuda nguda, Beru Karo , bebere sembiring, anak sintengah , si seh kel canduna megiken music arah headset. Emaka kujape ia lawes, headset na lalap nge leket bas cupingna. Sanga erdahin i juma, bage pe sanga i kamar mandi, headset e lalap nge leket bas cupingna, megiken music, em hobina. Emaka ula kita heran, nande karo sisada enda, betul betul luar biasa nake. Heheheheh

Music kesukaenna eme music remix karo, emaka rusur sitik nge ia joget megiken music arah headsetna. Pokokna nade karo sisada enda tuhu tuhu pecandu music kade kade.

Emaka pas bas sada paksa, kerja tahun bas kuta Ajijulu. Ntah pernah gia begindu kuta enda, meriah kel adi kerja tahun bas kuta enda nake.

Emaka beru karo enda ras keluarga lawes ndahi keluarga, eme bibi nande karo enda nake. Emaka sekalenda jumpa me beru karo enda ras impalna (anak bibi), emaka cukup meriah lah akap beru karo enda hehhehehe.

Bas rumah keluarga e, reh kerina keluarga sindauh nari pe, emaka cukup meriah lah. Mama, mami, bibi, bengkila, bapa tua, bapa nguda , bibi tua ras bibi tengah nggo pulung kerina, la ketadingen mama biring impal nande karo enda (lumayan gantenglah). Heheheh

Langa ndekahsa pulung i rumah, mesui kel beltek nande karo enda, emaka kesut kel atena. 

Sedak kel akap beru karo enda nake, nahan nahan kesut ndai. Tapi perban sora music kerja tahun pe lumayan megang, emaka labo kari begi adi kesut aku (bagem isi pusuh nande karo enda).

Emaka rukur nande karo enda kentisik, ue yah labo begi. Kuikuti saja kari nada gendang lagu kerja tahun enda, emaka labo eteh kari aku kesut. Lakel tertahan ate nande karo sisada enda nake.

Emaka kesut me ia, ikutina nada music gendang e, protttt, masuk ka nada gendang kedua, ppret, nce nada gendang si terakhir pe ikutina prottttt.. emaka suara kesutna e aturna, gelah sentudu ras sora gendang e, emaka sora kesutna prot, prêt prottttttt.. eee nggo salang kel akap nande karo enda nake. Sebab nggo darat anginna.  

Tapi sengget kel ia, Mama, mami, bibi, bengkila, bapa tua, bapa nguda , bibi tua ras bibi tengah kerina ngenen ku ia. Janah bibi ras bengkilana berjut kel ngenen ia.

Emaka heran kel ia,....

Kepeken sora music sibegina, labo sora gendang kerja tahun, kepeken sora music sibegina arah headset si leket bas cupingna. Andikau, mela kel iakap nande karo enda nake.....

Hahahahahahaha

Emaka ula rusursa kena make headset, NANAMI HAHAHAHAAH

Endam me CERITA KARO DAN HUMOR KARO : NANDE KARO PECANDU HEADSET, semoga kam terhibur.....

Mejuah juah kita kerina....