Perban rusur naring pa bual nokohi, emaka lanain bo lit anak kuta sitek nandangi Pa bual. Adi ogendu kerina cerita tentang pa bual, emaka tangkas kel nge ije ikataken bahwa pa bual enda nggit kel mbuali anak kuta. Emaka, nggo lanai lit anak kuta si tek.

Tapi bagi cerita si enggo lewat, la akap pa bual entabeh tunduh adi la lit jelma si bualina. Emaka sekelenda pe, pa bual darami mangsa, jelma siman tokohenna.

Tapi, pudi wari enda, pa bual silalap gagal nokohi. Sebab, lanai lit kalak si tek, emaka rukur ia, cara metode baru nokohi anak kuta.

Pas bas sada paksa, lit me sada anak kuta si kebenen kerbau. Emaka guntar sada kuta , ndarami kerbau si bene e. Kence piga piga wari darami, emaka dat me kerbau e pas bas pudi sapo pabual. Emaka guntar anak kuta, ngataken pa bual nangko kerbau. Megi berita e, tawa pa bual, kepeken lit sada rencana si enggo i pesikap pa bual.

Emaka i dahi kepala desa ras anak kuta pa bual kujumana, paksa si e, pabual sangana cudu i sapo.

Kepala desa : o pa bual, uga maka bas pudi sapondu e kerbau si parman e? Berarti tangkaundu kap kerbau si parman e me? Ngaku kam, aduken parman e kam kari ku kantor polisi...

Pa bual : (sinik saja)

Parman : o pa bual, sekelenda lanai kam banci erbual, nggo lit bukti di depan mata, (merawa kel parman)

Pa bual : enda kerbau ise?

Parman : kerbauku pa bual,

Pa bual : o parman, .... nggo kam kena pasal pencemaran nama baik. Sipeduaken, kam harus ganti rugi man aku, perban kerbaundu enda nggo ncedai sapoku enda....

Parman : uga ka maka aku ka ganti rugi? Kam nggo nangko kerbauku,... ula cuba cubandu nokohi kami pa bual...

Kepala desa : ue, nggo lit buktina....
(kerina anak kuta sireh bas paksa si e pe setuju kerina)

Pa bual : ise ngatakensa, aku nangko kerbau? Kuaduken naring, ku polisi. Nggo pencemaren nama baik gelarna e...

Kepala desa : nggo jelas kerbau si parman e, dat i pudi sapondu pa bual, ula min mbuesa cakapndu...

Pa bual : aku lalit nangko kerbau ya, bagenda cerita nderbih.....

Perlu kel aku nderbih nali man pengkirahen, emaka kudarami me nali ku rumah. Sangana aku erdalan ku rumah, i pinggir dalan e, kuidah me sada nali, meteguh kel, sangkut bas batang kayu. Emaka kubuat me nali e, kubaba kujenda kuban jadi pengkirahen, tapi ntah uga maka kerbau e i ikutina aku.... nggo ceda kel sinuan sinuanku dedehi kerbau enda, emaka kerbau ise nge enda nake? Harus ganti rugi ia bangku.... sapoku pe ceda kel julungina,

Parman : kerbauku ena pabual, nali kerbauku kap si buatndu e.... emaka ngikut kerbauku e.....

Pa bual : lit kin je tertulis nali parman nina? Adi ampar ampar nge bas pinggir dalan e, melabo kueteh nalindu parman..... pokokna, aku mbuat nali man pengkirahen, tapi ikut kerbau e, nce nggo dedehina jumaku, rikut pe sapoku nggo ceda julungina,emaka harus ganti rugi kam parman... adi la kam ganti rugi, kuaduken kam.... ise saja ndai nuduh aku nangko kerbau? E pe kuaduken nge....
(nggo mbiar kerina anak kuta, kepala desa pe mbiar)

Kepala desa : labo bage parman, bereken saja sitik perpinem pa bual ena, daripada adukenna kita kari pencemaren nama baik, (erkusik kepala desa man parman)

Parman : labo bage pa bual, dame dame sajalah kita, ....egia kede kita ngerana tah, gelah minem kita lebe.... aku nggo muas e.... (nggo mbiar parman)

Pa bual : kede pe nindu labo dalih parman, gelah ula kam lupa tanggung jawab ya,.... nggo ceda sapoku e deh...

Parman : ue, mari. Kede kita arih arih...

Pa bual : (nggo can, lepas sekelenda perpinem seminggu) bagem isi pusuh pa bual... tawa kel ia.... HAHAHAHAHAHAH

PA BUAL TETAP BERHASIL ‼‼‼

MEJUAH JUAH, SEMOGA KAM TERHIBUR....