Mejuah Juah Taneh karo,

Erpengarapen ula min erleka, janah erjuang ula min ketadingen endam asam nggeluh i perlajangen. Perbahan pergeluh kin pe labo metunggung, emaka ersura me erlajar ngepari lawit simbelang. Pedah nande ras bapa kutanari, em asam nggeluh tading i negeri
Formosa (Taiwan).

Kutanta si nai seh kel hulina, hasil juma, sabah la tanggung Buena, tapi gundari iderpa melala masalah. Mulai arah bencana deleng sinabung,  masalah hama pertanian, cuaca ekstrim,  seh ku erga hasil juma pe la menentu.

Aminna bage gia, ula min surut semangat ras pengharapen, sebab nina nininta nai, kai pe lit masana. Adi solusi perbaiken, nggo nge melala usulen, janah pemimpin nta pe nggo erdahin ngusahaken si mehulina, guna pemulihen taneh Karo secepatna.

Untuk solusi jangka panjang, pemulihen karo emkap tingkat mampu bersaing secara nasional dan internasional, emaka solusi utama emkap perbaiken kualitas sumberdaya manusia melalui pendidiken tinggi.

Amin bage gia, biaya sekolah ku perguruan tinggi labo murah, janah erkiteken bencana ras masalah ekonomi, labo lit kengasupenta. Emaka kita butuh solusi pendidiken murah, ntah pe banci kataken Beasiswa Pendidiken.

Pemerintah Taiwan gundari membuka peluang bagi pelajar Indonesia guna erlajar gratis i Taiwan (Beasiswa Pendidikan S1, S2, S3). Peluang beasiswa pendidiken si i sediaken pemerintah Taiwan e meliputi biaya hidup, ras bebas uang kuliah. Janah, adi ersura sura kita erdahin sambil kuliah, peluang e pe terbuka lebar man banta.  

Pendaftaren beasiswa enda, i buka 2 kali setahun. Pendaftaren Periode musim panas (bulan 8 - bulan 11), pendaftaran periode musim dingin (bulan 1- bulan4), Emaka nggo banci pesikapndu berkas pendaftarendu, adi lit sura surandu erlajar ku Taiwan.. Klik disini persyaratan Beasiswa Taiwan

Kerna kegeluhenndu i jenda, ula kam mbiar. Sebab i bas taiwan enda lit persadaan kalak karo, si tergelar Ikatan Mahasiswa dan Masyrakat Karo, Taiwan. Emaka, endam keluarga besarta i Taiwan .

Adi lit penungkunendu , kerna Beasiswa Taiwan enda, banci i hubungindu kami (Klik nama dibawah ini jika ingin mengenal lebih lanjut) :

Bapak Siswadi T Sibero (Wakil Kepala KDEI Taipei/ Penasehat Ikatan Mahasiswa dan Masyarakat Karo , Taiwan)

Robetmi Jumpakita Pinem ( Ketua Ikatan Mahasiswa dan Masyarakat Karo , Taiwan)

Genesis Sembiring (Admin)

Berikut isediken kami, cara mendaftar beasiswa Taiwan, pilih ras klik universitas si i pilihndu....



PANDUAN LENGKAP BEASISWA NKFUST

PANDUAN LENGKAP BEASISWA NTUST

PANDUAN LENGKAP BEASISWA NDHU

PANDUAN LENGKAP BEASISWA NSYSU

PANDUAN LENGKAP BEASISWA NCCU

PANDUAN LENGKAP BEASISWA NTHU

PANDUAN LENGKAP BEASISWA NTOU

PANDUAN LENGKAP BEASISWA NCU

Endam penjelasen kami kerna Beasiswa Taiwan, emaka mari tetaplah ersura sura meganjang, sitadingken kentisik kuta kemulihen, guna ndarami pemeteh i negeri Formosa (TAIWAN).

Bujur ras MEJUAH JUAH kita Kerina....