Pa Bual, e me sekalak perbapaan si bijaksana. Emaka lit sekalak murid na, anak perana, si setia erlajar tep tep wari man Pa Bual.

Ibas sada paksa, murid Pa Bual erdebat ras sekalak kalak motu i kede kopi. Kalak motu enda megegeh kel ngerana ras erdebat, la nggit ngakui salah, ras jago iakapna bana. Bas paksa si e, erdebat me murit pa bual e kerja hasil hitungen.

Nina murid Pa Bual, 3X8=24, tapi kalak motu e, lalap berkeras kepala ngataken, bahwa 3X8 =23.Emaka perban keras kepala kel kalak motu e, ibahan me taruh taruh kerna hasil kali e.

Kalak Motu : asa ndigan pe, 3X8=23 , Ula pemotu motu mu bam... nggo tehko e.... sekai pe taruhna pang. Kesahku e pe kupertaruhken.... ula akapmu jago bam...

Murid Pa Bual : nggo salah ko ena nak, ndigan pe 3X8=24, silap ko e nak....

Kalak Motu : ehhh, akapmu nge aku motu? Aku labo sekolah bagi engkau, tapi beluhen aku asa engko... uga kin atem? Taruhen kita???

Murid Pa Bual : Taruhen pe aku pang, kari sisungkun Pa bual jawabenna, .... adi talu aku, bam kari kerbauku si pudi  rumahku ah.... adi talu engko uga?

Kalak Motu : adi talu aku, keret kari kerahungke e (potong leherku), kesahku e kuban taruhna....

Murid Pa Bual : e enggo pas yah.... eta dage sidahi Pa Bual, sebab Pa Bual nge sijagona bas kuta enda.... Pa Bual sisungkun jawabenna....

Kalak Motu : oe... eitah....  (dengan percaya diri)

Lawes me murid Pa Bual ras kalak motu e ndahi Pa Bual kurumahna. Kenca seh i rumah Pa Bual, emaka i turiken kalak endai kerna alur cerita perkara kalak enda.... emaka paham Pa Bual pokok permasalahenna.....

Pa Bual : enggo kuangka pokok permasalahen kena... emaka enggo kueteh apai jawaben sipaling tepat.... jawaben 3X8 eme 23..... ENA ME JAWABEN SIPALING TEPAT. Emaka bereken kerbaumu ndai man ia, talu engko taruhen... (nina Pa Bual man muridna)

Emaka meriah kel akap kalak motu endai tawa kel ia, janah mis ia mulih kurumahna, perbahan datna sada kerbau....

Murid Pa Bual : OOOooo Guru, uga maka bage kel bandu aku.... (janah megogo atena, tangis ia)..... kam kel singajari aku sedekah enda, kam kel ngatakensa man bangku 3X8 =24,... Uga maka gundari la kam adil....(alu tangis teriluh).

Pa Bual : Ula ko tangis, uga maka katakenmu aku la adil? Sekalak si enggo erpendidiken bagi engko ena, sierpemeteh, harus megegeh. Ula gunaken pemetehmu guna ngalahken kalak sila erpemeteh, .....
guna sie kin engko erlajar selama enda? Jadi nomor sada? Gelah jadi pemenang?

Bagenda nge situhuna nak, kueteh nge jawabenmu e sibenar, sajana, adi kukataken engko si benar, emaka bene me kesah kalak motu ah ndai,.... apai kin ergan kerbaumu ntah kesah kalak ah ndai????
Emaka sadar me murid Pa Bual kerna perkara e, kepeken Pa Bual meteh apai si pentingna.... sebab kerbau banci iganti, tapi kesah labo banci ganti....

Nina Pa Bual tole nari, bage kin nge kalak si la erpemeteh, iakapna ia benar, seh ngasa ngasamken kesahna pe ia pang, tapi tugasmu kalak sierpemeteh, labo ndabuhken ia ntah pe ngalahken ia, tapi ngajari ia..... sebab adi ia tetap motu, engko pe rugi.

Sebab labo terterima kalak motu ajar simehuli e, emaka simehuli sibahanmu e pe, labo terakap man bana. Emaka, tugasmu, man engko  si enggo erpemeteh, usahakenlah lebe gelah kalak sideban erpemeteh bagi engko, gelah kerina usaha pembangunen si usahakenmu e, terterimana, janah ia pe setuju ras usaha keniulin si usahakenmu e....

Bujur Pa Bual.......


Kepeken, arah pendidiken e kel ngenca cara membangun kuta kemulihen taneh Karo, lanai lit sideban..... E ngenca dalan....

Memanusiakan Manusia melalui Pendidikan.....

Emaka Apai Dage Kita Si Nggit Erlajar Ku Taiwan, Gundari Sangana Buka Pendaftaran Beasiswa Taiwan, Enda Panduan Lengka Cara Mendaftar Beasiswa Ku Taiwan, Klik Link Siteruh Enda :

PANDUAN LENGKAP MENDAFTARBEASISWA TAIWAN

MEJUAH JUAH TANEH KEMULIHEN.......
SALAM ATE TEDEH,
KAOHSIUNG TAIWAN 9 OKTOBER 2016