Adi ikutindu cerita sebelumna tentang Pa Bual, emaka tentu paham kam, uga watak Pa Bual situhuna. Pa Bual eme sekalak perbapan si hobby na nokohi kalak. Adi bas kutana, kuta Melas (Kuta kitik deher Lau Gendek), Pa Bual enda enggom terberita kerna kepentarenna nokohi kalak. Emaka, lanai bo lit kalak si tek.

Perbahan lanai lit anak kuta sitek nandangi Pa Bual, emaka lawes me Pa Bual ku kuta sideban, guna naki naki janah nokohi kalak. Kuta e , eme kuta silumayan ndauh, janah anak kuta sitading i kuta e, terkenal rata rata kalak bayak. Emaka, ersura me Pa Bual erban sada bisnis i kuta e. Bisnis e, emkap bisnis nukur monyet/kera.

Emaka ibahan Pa Bual me momo. Nina Pa Bual mas momona, :

MOMO
IPEBETEHKEN MAN KERINA ANAK KUTA, ISE KAM SI LIT NGASUHI MONYET/KERA, BANCI IDAYAKENDU MAN KAMI (PA BUAL)
 ERGA SADA MONYET = 1JUTA.

Ngidah momo e, emaka erlumba lumba anak kuta ku kerangen, guna ndarami monyet. Terkumpul me sekitar 20 monyet, emaka idayaken anak kuta man Pa Bual. 20 monyet = 20 juta.

Kenca si e, i naikken Pa Bual me erga monyet jadi 1 monyet = 2juta. Emaka erlumba lumba ka anak kuta lawes ku kerangen guna ndarami monyet. Tapi, enggo agak sulit ndatken melala monyet. Emaka 5 monyet nari ngenca terpepulung anak kuta. Emaka idayaken anak kuta man Pa Bual monyet e. 5 monyet = 10juta.

Kenca si e, i naikken Pa Bual ka mulihi erga monyet. 1 monyet = 5 juta . ngidah si e, erlumba kel anak kuta mulihi ndarami monyet ku kerangen, tapi sada monyet pe lanai idah  anak kuta. Nggo melungen kerangen, lanai lit terbegi sora monyet.

Enggo putus asa anak kuta ndarami monyet tengah kerangen. Emaka lanai lit sekalak anak kuta pe si dat sen arah ndayaken monyet man Pa Bual.

Ngidah si e, Pa Bual langa ngadi erban politik bisnis. Emaka inaikken Pa Bual ka sekali nari erga monyet . 1monyet = 10juta. Mbegi berita si e, tambah semangat ka mulihi anak kuta ndarami monyet ku kerangen, tapi lanai maba ulih. Sebab lanai lit monyet i kerangen.

Nina Pa Bual, kutimai denga, apai kam sindayaken monyet atendu. Emaka ula kam putus asa ndarami monyet ku kerangen. Pagi erpagi pagi, aku lawes ku kuta sideban kerna ndarami monyet . Emaka, adi lit kam si ndayaken monyet atendu, dayaken man asistenku (anak buah Pa Bual). ASISTENKU e kari si ngatur kerina bisnis  monyet i jenda. Bage me pesan Pa Bual man anak kuta....

Kenca Pa Bual lawes ku kuta sideban, tetap la lit si ndatken monyet i kerangen. Emaka i pepulung asisten Pa Bual kerina anak kuta, i deher monyet si enggo i tukur Pa Bual. Jumlah monyet si enggo itukur Eme lit jumlahna 25 ekor.

Emaka reh nina asisten Pa Bual : gundari kudayaken monyet enda 5 juta sada ekor , adi enggo mulih pagi Pa Bual kujenda, banci dayakendu 10 juta sada ekor man Pa Bual.

Emaka rukur anak kuta, adi i hitung hitung, enggo melala untung anak kuta. Sebab itukur 1 monyet 5 juta, idayaken ka pagi man Pa Bual 10 juta.  Emaka  mulih me anak kuta kurumahna masing masing, guna buat sen simpanen, gelah banci nukur monyet e.

Emaka kerina anak kuta nukur monyet e,.... lit 25 monyet X 5Juta. Ergana eme 125.juta.

Kenca si e, lawes me assisten Pa Bual e, nadingken kuta, guna jumpai Pa Bual. Tapi ndekah anak kuta ertima, Pa Bual lanai pernah reh, si tading e me kera 25 ekor si ersora suari berngi. Gejek kel........
Sekali nari, otak bisnis Pa Bual berhasil naki naki anak kuta,.... heheheheh  

Pesan Moral : Hati hati, ula tek man bisnis si la masuk akal...... egia sanga pemilihen kepala desa me labo alokenddu sen monyet ndai?

Lo kari, tinading sen monyet e, gejek kita kerina.... eheheheehe
MEJUAH JUAH...