Foto : genesissembiring.com
Adi ikuti kerna kisah cerita Pa Bual, i etehndu maka Pa Bual enda sekalak perbapaan si cerdik dingen beluh kel nokohi jelma sienterem. Emaka gedang gedang geluhna, melala nge jelma si enggo tokohina janah i bualina. Amin bage gia perbahanenanna, enterem ka nge jelma si mindo i ajari Pa Bual, emaka lit ka nge piga piga murid Pa Bual.
 
Tapi cerita sekelenda, labo cerita kerna Pa Bual nokohi kalak, tapi cerita kempu Pa Bual si kitik dengan, kira kira umur 7 tahun.  

Baca Juga : Pa Bual Ras Monyet Tengah Kuta (HUMOR KARO)
 
Aminna umur kempu Pa Bual e 7 tahun denga, tapi seh kel lincahna, bage pe cerdik dingen mirip kel ras bulangna. Sada kelebihen kempu Pa Bual e emkap tinggi kel rasa ingin tau na kerna kai pe.

Pas sada paksa, wari e pas wari minggu, lawes me kempu Pa Bual e ku gereja (sekolah minggu), kebetulan guru sekolah minggu enceritaken kerna Dibata bas wari e. Ban seh kel lincahna, janah rasa ingin tauna   pe tinggi, nungkun me kempu Pa Bual e man guru sekolah minggu :

Kempu Pa Bual : Ooo, Buk Guru, ija kin Dibata e? Ndauh kin Dibata e ? Merhat kel aku jumpa ras Ia....

Guru sekolah minggu : Dibata e, labo ndauh ndeher nge ras kita, ...

Megi jawapen guru sekolah minggu e, ersura me kempu Pa Bual e ndarami Dibata kenca mulih gereja nari. sebab nina guru sekolah minggu, Dibata e labo ndauh .

Baca Juga : Pa Bual Ras Sekalak Pengacara Ibu Kota (HUMOR KARO)
Kenca seh i rumah, i pesikap kempu Pa Bual e me, tas ras sepatuna. Itamana  roti manis ku tasna ras sada botol aqua .

Emaka berkat me kempu Pa Bual guna ndarami Dibata. Langa ndauhsa ia erdalan, i idahna me sekalak pernanden kundul i deher dalan sangana natap natap motor silewat.

Emaka kundul me kempu Pa Bual e deher pernandeen e. I tatap kempu Pa Bual me pernandeen e, janah senyum kel pernandeen e natap ia, tapi labo lit sepatah kata pe siterbelas bas pernanden e nari. Meriah kel ukur kempu Pa Bual kerna senyum pernanden e.

Baca Juga :  Nande Tigan Kena Batuna (HUMOR KARO)
 
Emaka i pedarat kempu Pa Bual me roti manis si babana ndai, emaka berena sada man pernanden e ndai.  emaka senyum ka mulihi pernanden e ndai, janah meriah kel ukur kempu Pa Bual ngidah senyum pernanden e ndai.

Nggo sada jam lebih kundul kempu Pa Bual i deher pernanden e ndai, tapi langa bo lit sepatah kata pe ngerana pernanden endai. Sitatapen janah senyum, bage saja nge lalap selama 1 jam.

Emaka i pedarat kempu Pa Bual ka me aqua si babana ndai. I inemna janah iberena ka man pernanden e ndai. meka senyumka me mulihi pernanden e ndai. meriah kel ukur kempu Pa Bual ngidah senyum pernanden e ndai.

Baca Juga: Pa Bual Bertobat (HUMOR KARO)
 
Perban wari pe nggo mulai gelap, emaka mulih me ate kempu Pa Bual. Langa piga meter pe kempu Pa Bual e ndai lawes, tertulih ia mulihi man pernanden e ndai. emaka mulihken kempu Pa Bual e ndai  ndahi pernanden e ndai, janah i dakepna pernanden e ndai, emaka senyum kel pernandeen e ndai. meriah kel ukur kempu Pa Bual. E maka mulih me kempu Pa Bual ku rumah.

Pas kenca seh kempu Pa Bual e i lebe pintu, mis reh nandena, janah merawa.

Nande : Ja nari engko ? nggo latih akap kami ndarami engkau.... uga maka meriah kel akapmu?

Kempu Pa Bual : jumpa aku ndai ras Dibata.... Senyum dibata bangku, kubere roti ras Aqua man Dibata.... meriah kel ukurku ngidah senyum Dibata, Manis kel kepe Senyum Dibata mak....‼‼‼!

Bagekape pernanden si i pinggir dalan ndai,  mulih kurumah alu meriah ukur. Emaka sungkun anakna ia, ja nari kam e ndai mak? Uga maka merihak kel ukurndu?
Jumpa aku endai ras dibata, berena bangku roti manis ras Aqua, manis kel kepe senyum Dibata e. Langa sempat i jawab anak anak e ranan nandena , reh nina mulihi, Kepeken Dibata e Nguda denga kel.......

Baca Juga : Kisah Pa Bual (HUMOR KARO)
 
Pesan Moral :
Dibata e labo ndauh bas kita nari. Nampati ras ncidahken kekelengen man kalak sideban , bageme cara jumpa ras  Dibata bas kegeluhenta....
Sumber Cerita : Kay, USA