Rehmenda : Pak, merhat kel aku kuliah, kuliah aku ya pak???

Bapa : La kap lit senta nakku, adi kuliah ah, labo sitik biayana,

Nande : Labo bage Bapa Rehmenda, adi kuliah kel nina anakndu ena, sungkun cuba kari sen Bapa Mesti, ntah banci kari siraih lebe, kenca rani pagi jong ta ah, sigalari...

Bapa : Iah, adi bage nakku, merhat kel kam sekolah nindu ka, pagi nta kusungkun cuba yah......

Erpagi pagi silampas, jumpa me bapa Rehmenda ras bapa Masti i kede kopi,

Bapa Masti : Eh, pindo tehndu mbuyak, ....

Bapa rehmenda : EH uai yah mbuyak, tama teh manis ena perkedei... Sibuk kam sendah mbuyak? ngerana ngerana ateku ras kam,....

Bapa Masti : Labo sibuk kel mbuyak ,kai kin?

Bapa rehmmenda : Bagenda dakam mbuyak, si Rehmenda , merhat kel aku kuliah Pa, nina ka..... Nce kapndu sen labo lit, jong pe kitik denga dah.... adi rani min ndai jong ah, labo min dalih,....

Bapa Masti : Eeeeee, em anak anak sigundari e mbuyak, labo kin pernah i ukurkenna kita... Lalap latandena bana, kuliah kalak, kuliah aku nina....

Perkedei : Kai? kuliah nina si Rehmenda? eiii ukurkenlah Bapa rehmenda, lokari patah tengah dalan, adi la ngasup, labo man bahan bahanen...

Bapa rehmenda : aku lanai kel beluh mbuyak, tutus ka tempa kuidah selama enda atena erlajar, adi la kari kuikutken katana e, ntah sakit kari ia ateku mbuyak....

Bapa masti : epe ukuri lah bas kita mbuyak, lo kari leben ka kita ampar !!!!!

Perkedei : lang pe, adi ningkahi rumah kalak naring kita tiap wari guna nekolahken anak, aku labokuakap pas.... kecuali ndai lit bas kita ya...

Bapa rehmenda : bagenda mbuyak, ntah banci kari raih kami lebe sendu, guna ndaftarken si Rehmenda enda kuliah, rani pagi jong ah, mis kubere bandu....

Bapa Masti : eii, adi bage, reh kena kari cuba kurumah mbuyak, gelah kuarihken lebe ras nande masti i rumah...

Bapa rehmenda : e uai yah mbuyak, jam 8 berngi kari reh kami.... bujur ya mbuyak.... aku mis lawes e mbuyak, mompa jong ka sendah deh....

Bapa Mesti : uai mbuyak, manjar anjar kam...

perkedei : iahhhhh, adi ngeraih naring kita nekolahken anak, adi akupangen lang, matei naring siakap.... em anak anak sigundari e, sitik pe lameteh ngena...... la tandai na ise bana....

Bapa Mesti : tuhu katandu ena. adi aku nindu, lit pe sen, labo kuajuk masti ah sekolah, suan lah rimo ningku, 3 tahun nari nggo jadi tokeh kita ningku....

Perkedei : paskin bapa masti, tamat ka pepagi sekolah, langa ka bo tentu dat dahin.... adi bagah, me matei naring akap bapa rehmenda ah nekolahkenca....

Jam 8 berngi, reh me bapa rehmenda ras nande rehmenda ku rumah bapa masti ......

Nande masti : mari kurumahken, me enggo man kena?

Nande rehmenda : enggo, nggo man kami...

bapa masti : kita arah jenda kundul mari mbuyak...

bapa rehmenda : uai mbuyak...

nande masti : tuhu kin kena nggo man e? nakan nggo tasak, gulen pe nggo tasak...

nande masti : enggo, nggo man kami.

bapa rehmenda : egia kelang kelang rananta e, enggo pesehndu sura sura kami e man nande masti mbuyak,??

Bapa masti : enggo mbuyak, sajana bagenda dakam mbuyak, dahndu sen kami enda tama kami bas bank, jadi adi bas bank tama kami, lit aloken kami sitik bungana,..

Bapa remenda : e labo dalih mbuyak, kami kari nambahi bungana...

Bapa masti : e nggo cocok yah mbuyak....

Nande masti : kam gia rehmenda, uga kin maka kuliah nindu? tandai sitik banta nakku.... lampas naring matei nande ras bapandu e ban nekolahken kam,.. latih naring akapna...

Rehmenda : (sinik)

Nande masti : aku emakana labo kuajuk si masti ah kuliah, aminna lit gia sen kami... pangen kuakap suanna rimona, 3 tahun nari nggo jadi tokeh ia,....

Sura sura sekolah kin pe, kataken kalak kang kita anak la meteh ngena, ntah akap kalak nge sekolah enda main main , ateku senembas....

Labo dalih kai pe ERMASA MASA,

4 tahun kuliah, tamat me si Rehmenda kuliah, lulusen terbaik ka ia bas fakultas ekonomi, emaka dat beassiwa S2 ka ia ku Luar negeri...

Si masti nuan rimo, 4 tahun nggo erbuah, tapi perban cuaca ekstrim , hama, tambah ka abu gunung sinabung, kena cit cit rimo, bage kurang jilena....

kai ndia ban obatna atena,... rukur ia.... latih kapna....

Teman teman, ula kel megelut pertendindu amin gia pernah nanamindu bagi cerita enda.... tetap kam berjuang erlajar, sekolah ula erleka. Kai pe lit masana, adi terus kam erjuang, lit ulih ate mesui....

MEJUAH JUAH...

:D :D

SALAM ATE TEDEH,

KAOSIUNG, TAIWAN.....